సినిమా వల్ల నుంచి అధికారం లాక్కొందాం

రాష్ట్రాన్ని ఏళ్ల తరబడి పాలిస్తున్న సినీ రంగానికి చెందిన వాళ్ల నుంచి అధికారాన్ని లాక్కోవాల్సిన బాధ్యత ప్రతి ఒక్క వన్నియర్‌పైనా ఉందని పీఎంకే వ్యవస్థాపకుడు రాందాసు అన్నారు. రాష్ట్రంలో ప్రధాన ఓటు బ్యాంక్‌గా వన్నియర్ సామాజిక వర్గం ఉందని ... వన్నియర్లు ఐక్యంగా లేకపోవడం వల్ల అధికారాన్ని ఇతర సామాజిక వర్గాల వారు తన్నుకుపోతున్నారని అన్నారు

43 ఏళ్లుగా రాష్ట్రం సినీ రంగానికి చెందిన వాళ్ల చేతిలోనే ఉంటోంద ని పరోక్షంగా ముఖ్యమంత్రి కరుణానిధి, అన్నాడీఎంకే అధినేత్రి జయలలితపై విమర్శలు కురిపించారు. వారి దోపిడీ నుంచి రాష్ట్రా న్ని బయటపడేయాల్సిన అవసరం ఎంతైనా ఉందన్నారు. గత అసెంబ్లీ ఎన్నికల్లో పీఎంకే పోటీ చేసిన స్థానాలతో పాటు అదనంగా మరికొన్ని నియోజకవర్గాలను కోరబోతున్నామని, ఎవరైతే ఆ మేరకు సీట్లు ఇవ్వడానికి అంగీకరిస్తారో ఆ కూటమిలో చేరతామన, పార్టీలోని సభ్యుల అభిప్రాయం తీసుకున్న తర్వా తే పొత్తులపై నిర్ణయం తీసుకుంటామని స్పష్టం చేశారు.

నిరవధిక సహాయ నిరాకరణ ఉద్యమం తప్పదు

ప్రత్యేక తెలంగాణ రాష్ట్ర సాధనకు ఇప్పటి వరకు చేపట్టిన ఉద్యమాలు ఒక ఎత్తయితే ఇప్పు డు చేపట్టబోయే సహా య నిరాకరణ ఉద్యమం చివరి అస్తమ్రని తెలంగాణ జేఏసీ రాష్ట్ర సమన్వయకర్త పిట్టల రవీంద ర్ పేర్కొన్నారు. పార్లమెంట్ బడ్జెట్ సమావేశాల్లో తెలంగాణ బిల్లు ప్రవేశ పెట్టాలని డిమాండ్ చేస్తూ ఈ నెల 17 నుంచి ఈ కార్యక్రమానికి శ్రీకారం చుడుతున్నట్లు చెప్పారు.

సహాయ నిరాకరణోద్యమం ద్వారా ఎలాంటి ఇ బ్బందులు తలెత్తినా ప్రభుత్వమే బాధ్యత వహించాలని, ఈ నెల 12న జేఏసీ స్టీరింగ్ కమిటీ ఆధ్వర్యంలో పరిస్థితులు, ప్రభావిత అం శాలు తదితర విషయాలపై జేఏసీల నిర్ణయా లు, సలహాలు, సూచ నల మేరకు ముసాయిదా తయారు చేసి, దానికి విధివిధానాలను క్రోడీకరించి నివేదిక ప్రకటిస్తామని తెలిపారు.

సత్యసాయి సేవలో గయానా అధ్యక్షుడు జెట్టీయో

గయానా అధ్యక్షుడు భారత్ జెట్టీయో పుట్టపర్తి సత్యసాయిబాబాను దర్శించుకున్నారు. శనివారం మధ్యాహ్నం ఆయన ప్రత్యేక భద్రత నడుమ కాన్వాయ్‌లో బెంగళూర్ నుంచి రోడ్డు మార్గంలో పుట్టపర్తి చేరుకున్నారు. ప్రశాంతి నిలయం శాంతి భవన్‌లో అధికారులు ఆయనకు ఘన స్వాగతం పలికారు. కాసేపు అతిథి గృహంలో విశ్రాంతి తీసుకుని అనంతరం సాయంత్రం 6 గంటలకు ప్రశాంతి నిలయం సాయికుల్వంత్ సభా మందిరంలో సత్యసాయిబాబాను ప్రత్యేకంగా దర్శించుకున్నారు

‘తత్కాల్’కు గుర్తింపు కార్డు తప్పనిసరి

తత్కాల్ కోటా రైలు ప్రయాణికులు ఇక నుంచి తమతో పాటు గుర్తింపు కార్డులను తప్పనిసరిగా తీసుకెళ్లాల్సి ఉంటుంది. ఈ నెల 11వ తేదీ నుంచి ఈ విధానం అమల్లోకి రానుంది. తత్కాల్ పథకంలో చోటు చేసుకుంటున్న అక్రమాలను అరికట్టేందుకు ప్రయాణ సమయంలో గుర్తింపుకార్డు కలిగి ఉండాలనే నిబంధన చేర్చినట్టు దక్షిణ మధ్య రైల్వే ఒక ప్రకటనలో తెలిపింది.

తత్కాల్ టికెట్‌పై ఒకరి కంటే ఎక్కువ మంది ప్రయాణిస్తున్నప్పుడు వారిలో ఒక్కరైనా పైన పేర్కొన్న గుర్తింపు కార్డుల్లో ఏదైనా ఒక కార్డును తనిఖీ సిబ్బంది అడిగినప్పుడు చూపించాల్సి ఉంటుంది. అలా చూపించని పక్షంలో వారిని టికెట్ లేని ప్రయాణికులుగా పరిగణిస్తారు. ప్రయాణికులు ఎన్నికల గుర్తింపు కార్డు, పాస్‌పోర్టు, పాన్‌కార్డు, డ్రైవింగ్ లెసైన్స్, కేంద్ర, రాష్ట్ర ప్రభుత్వాలు జారీ చేసిన ఏదేని గుర్తింపు కార్డు, విద్యార్థులైతే కళాశాల గుర్తింపు కార్డు, జాతీయ బ్యాంకులు జారీ చేసిన పాస్‌బుక్కు, లామినేషన్ చేసిన ఫొటోతో కూడిన క్రెడిట్ కార్డులలో ఏదేని ఒక గుర్తింపు కార్డును తప్పని సరిగా చూపించాల్సి ఉంటుంది.

వచ్చే నెల ఏడున జగన్ పార్టీ

వైఎస్ జగన్మోహనరెడ్డి తన రాజకీయ పార్టీని వచ్చే నెల ఏడున ప్రకటించనున్నారని ఆయన సన్నిహిత వర్గాలు తెలిపాయి. 'వైఎస్ఆర్ కాంగ్రెస్' లేదా 'రాజన్న రాజ్యం పార్టీ'లలో ఒకదానికి ఎన్నికల కమిషన్ గ్రీన్ సిగ్నల్ ఇస్తుందని, 'వైఎస్ఆర్ కాంగ్రెస్ పార్టీ' వైపే జగన్ మొగ్గు చూపుతున్నారని, మార్చి మొదటి వారంలోనే గుర్తింపు లభిస్తే.. ఉప ఎన్నికల్లో పార్టీ జెండాతోనే రంగంలోకి దిగేందుకు ఆయన సన్నద్ధమవుతున్నారని తెలిసింది.

ఆర్టీసీ ఆధ్వర్యంలోనే డ్రైవింగ్ స్కూళ్ళ నిర్వహణ

: రోడ్డు ప్రమాదాలను నివారించే క్రమంలో డ్రైవింగ్‌లో పూర్తి స్థాయి ప్రమాణాలతో కూడిన శిక్షణను అందించేందుకు ఆర్టీసీ ఆధ్వర్యంలోనే డ్రైవింగ్ స్కూళ్ళ నిర్వహణ బాగుంటుందని ప్రభుత్వం ప్రాథమిక నిర్ణయం తీసుకుంది. ప్రస్తుత మౌలిక వసతులను విస్తృతపరుచుకోవడంతోపాటు రాష్ట్రంలోని వివిధ ప్రాంతాల్లో ఉన్న డిపోల్లో, లేదా ఆర్టీసీ స్థలాల్లో డ్రైవింగ్ ట్రాక్‌ల ఏర్పాటుకు నిర్ణయించారు. సరుకు రవాణాకు తగిన ఏర్పాట్లు చేసుకునే దిశగా ఆర్టీసీ సన్నాహాలను చేస్తూనే.. ముందస్తు ఏర్పాట్లలో భాగంగా పౌరసరఫరాలు, వ్యవసాయ శాఖ సేవలను సరుకు రవాణాలో వినియోగించుకోవాలని ప్రభుత్వం భావిస్తోంది.

మేం కాస్త వయసు మళ్లిన వాళ్లమే : నాగార్జున

"మేం అందరం కాస్త వయసు మళ్లిన వాళ్లమే. నేటి తరం టీవీ ప్రేక్షకులకు ఏ తరహా వినోదం కావాలన్న దానిపై మాకు మూస అభిప్రాయాలే ఉంటాయి. ఓ యంగ్ మైండ్ మా బోర్డ్ సభ్యుల్లో ఉంటే బాగుంటుందని ఎన్నాళ్లుగానో చెబుతున్నాను. అది ఈనాటికి కుదిరింది'' అని నాగార్జున తెలిపారు. "సరికొత్త ఆలోచనలు కలిగిన ఇలాంటి యంగ్ అండ్ డైనమిక్ పర్సనాలిటీలను మా బోర్డులో చేర్చుకోవడం ద్వారా బోర్డు సభ్యుల సగటు వయసు తగ్గుతుంది' చిరంజీవి తనయుడు రామ్‌చరణ్ తేజను మా టీవీ బోర్డు సభ్యుల్లో ఒకరిగా చేర్చుకున్నట్లు ప్రకటించారు.