సోలో' సెన్సార్ బిట్స్

నారా రోహిత్‌, నిషా అగర్వాల్‌, ప్రకాష్‌ రాజ్‌, జయసుధ, సాయాజీ షిండే, రావు రమేష్‌, శ్రీనివాసరెడ్డి ముఖ్యపాత్రలు ధరించిన చిత్రం 'సోలో'. ఎస్‌.వి.కె.సినిమా పతాకాన వంశీ కృష్ణ శ్రీనివాస్‌ నిర్మించిన ఈ చిత్రానికి సంగీతం మణిశర్మ, రచన, దర్శకత్వం పరశురామ్‌ (బుజ్జి).
అయిదుగురు సభ్యులతో కూడిన ఇసి 'సోలో' చిత్రాన్ని చూసి 4 కట్స్‌తో 22-11-11న 'యుఎ' సర్టిఫికెట్‌ జారీ చేసింది.
1. 'నీ యబ్బ' పదం సినిమాలో ఎక్కడ వున్నా తొలగించారు.
2. ఎనిమిదవ రీలులోని 'బాస్టర్డ్‌' పదం కత్తెర పాలయింది.
3. ఎనిమిదవ రీలులోనే హేండ్‌ జెస్ట్యూర్స్‌కి సంబంధించిన దృశ్యాలు కత్తెరింపునకు గురి అయ్యాయి.
4. ధూమపానం, మద్యపానం, డ్రగ్స్‌ వాడకానికి సంబంధించిన సన్నివేశాలున్నప్పుడు చట్టబద్ధమైన హెచ్చరికని చూపమన్నారు.
4048. 81 మీటర్ల నిడివి గల 'సోలో' చిత్రం 25-11-11న విడుదలైంది.

ఓ మై ఫ్రెండ్‌ సెన్సార్ కట్స్

సిద్ధార్థ, శ్రుతిహాసన్‌, హన్సిక, నవదీప్‌, తనికెళ్ల భరణి, అలీ, రఘుబాబు ముఖ్య పాత్రలు పోషించిన చిత్రం 'ఓ మై ఫ్రెండ్‌'. వేణు శ్రీరామ్‌ దర్శకత్వంలో శ్రీ వెంకటేశ్వర క్రియేషన్స్‌ పతాకాన దిల్‌రాజు నిర్మించారు.
ఈ చిత్రాన్ని చూసిన ఐదుగురు సభ్యుల 'ఇసి', 5కట్స్‌ ఇవ్వగా వాలంటరీగా నిర్మాత వాటిని కట్‌ చేయడంతో 'యు' సర్టిఫికెట్‌ని 9-11-11న జారీ చేసారు.
1. పార్క్‌లోని క్లీవేజ్‌ దృశ్యాన్ని తొలగించారు.
2. పార్క్‌లో లిప్‌ లాక్‌ (పెదవితో పెదవి కలిపి ముద్దాడిన) దృశ్యం.
3. 'యు బిచ్‌' అనే పదాలు
4. 'దొబ్బేయ్‌' అనే పదం
5. బైక్‌ మీద పింక్‌ డ్రెస్‌లో వెళ్ళేటప్పుడు క్లీవేజ్‌ దృశ్యం తొలగించారు.
ఈ డిజిటల్‌ సినిమా 11-11-11న విడుదలైంది.

రేపు సంపూర్ణ చంద్ర గ్రహణం

సంపూర్ణ చంద్ర గ్రహణం శనివారం సంభవించనుంది. ఈ ఏడాదిలో ఇది రెండోసారి. దీని తర్వాత మళ్లిd ఏడేళ్ల వరకూ చంద్రగ్రహణాన్ని దర్శించే అవకాశం లేనందున దీ నికి ప్రాధాన్యత పెరిగింది. మన దేశంలో ఈ గ్రహణం సాయంత్రం 6.15 నిముషాలకు ప్రారంభమై 7.36 నుంచి 8.28 వరకు ఉంటుంది. ఇంతకు ముందు జూన్‌ 15న ఏర్పడిన చంద్ర గ్రహణాన్ని మేఘాల కారణంగా దేశంలోని పలు ప్రాంతాల వారు దర్శించలేకపోయారని, ఈ సారి వాతావరణం బాగుంటుందని నిపుణులు చెబుతున్నారు. తర్వాత చంద్ర గ్రహణం 2018లోనేనని వారు తెలిపారు.
శ్రీవారి ఆలయం మూసివేత
చంద్ర గ్రహణం సందర్భంగా శ్రీవారి ఆలయాన్ని శనివారం మూసివేయనున్నట్లు టిటిడి తిరుమల జెఇఓ శ్రీనివాసరాజు తెలిపారు. మధ్యాహ్నం 12 గంటల నుంచి రాత్రి 10.30 గంటల వరకు ఆలయం తెరచిఉండదని చెప్పారు. ఈ కారణంగా ఉదయం 6 గంటల తర్వాత భక్తులను వైకుంఠం -2 కాంప్లెక్సులోనికి అనుమతించరు. సంపూర్ణ చంద్ర గ్రహణం కారణంగా శ్రీవారికి నిర్వహించే ఆర్జిత సేవలైన కల్యాణోత్సవం, ఊంజల్‌సేవ, ఆర్జిత బ్రహ్మోత్సవం, వసంతోత్సవం, సహస్రదీపాలంకరణ సేవలను రద్దు చేశారు. ఒక్క సుప్రభాతసేవకు మాత్రమే భక్తులను అనుమతించనున్నారు. రాత్రి 10.30 గంటలకు శ్రీవారి ఆలయం ద్వారాలు తెరచిన అనంతరం పుణ్యహవచనం, శుద్ధి, రాత్రి కైంకర్యాలు, పూజా కార్యక్రమాలను అర్చకులు నిర్వహించనున్నారు. రాత్రి 11.30 గంటలకు కార్తీక దీపోత్సవాన్ని శాస్త్రోక్తంగా చేస్తారు. శ్రీవారి భక్తులను వైకుంఠం-2 కంపార్టుమెంటులోకి శనివారం రాత్రి 10.30 గంటల నుంచి మాత్రమే అనుమతిస్తామని జెఇఓ శ్రీనివాసరాజు తెలిపారు.
పాలకమండలి సమావేశం
తిరుమల తిరుపతి దేవస్థానం పాలకమండలి సమావేశం ఆదివారం తిరుమల అన్నమయ్య భవన్‌లో నిర్వహించనున్నారు. ఈ కార్యక్రమానికి టిటిడి చైర్మెన్‌ కనుమూరి బాపిరాజు అధ్యక్షత వహిస్తారు. పాలకమండలిలో ప్రధానంగా జనవరి 1వ తేదీన, జనవరి 5న వైకుంఠ ఏకాదశి పర్వదినాన్ని పురస్కరించుకుని భక్తులకు దర్శన, వసతి అంశాల గురించి చర్చిస్తారు. ఆ రోజులలో విఐపిలకు మంజూరు చేసే పాసులు గురించి చర్చించే అవకాశం ఉంది. ప్రతి ఏటా వైకుంఠ ఏకాదశి రోజు అధిక రద్దీ కావడం వల్ల వైకుంఠం క్యూ కాంప్లెక్సులో గేట్లు విరిచేయడం, క్యూ లైన్లో భక్తుల ఇబ్బందులను దృష్టిలో పెట్టుకుని అటువంటి సంఘటనలు పునరావృతం కాకుండా ఉండేందుకు తగిన చర్యలు తీసుకున అవకాశం ఉంది. అంతే కాక టిటిడి విద్యా సంస్థలోని కాంట్రాక్ట్‌ ఉద్యోగుల వేతనాల క్రమబద్ధీకరణపై చర్చించే అవకాశం ఉంది. మార్పులు చేర్పులపై ఎండోమెంట్‌ ప్రిన్సిపల్‌ సెక్రటరీ రమణాచారి, తిరుమల జెఇఓ శ్రీనివాసరాజుకు సూచనలు చేసినట్లు సమాచారం.
రేపు శ్రీశైలంలో ఆలయం తలుపులు మూసివేత
కర్నూలు ,కెఎన్‌ఎన్‌బ్యూరో: త్రిపాదాధిక చంద్రగ్రహణం సందర్భంగా శనివారం శ్రీశైలంలోని బ్రమరాంభ మల్లికార్జున స్వామి వార్ల దేవాలయ ద్వార తలుపులు మూసివేయనున్నారు. ఉదయం 3.30 గంటలకు దేవాలయంలో మంగళవాయిద్యాలు, సుప్రభాతసేవ, కాలపూజలు, హారతులు నిర్వహించిన తర్వాత 9 గంటల తర్వాత ఆలయ ద్వారాలు మూసివేస్తారు. ఆ రోజు సాయంత్రం జరిగే పల్లకి సేవ, స్వామివార్ల కల్యాణం, పయనింపు సేవ, ఏకాంత సేవలు కూడా రద్దు చేశారు. ఆదివారం ఉదయం 4 గంటలకు ఆలయం ద్వారాలు తెరిచి, ఆలయాన్ని శుభ్రం చేసి, సంప్రోక్షణ పూజలు నిర్వహిస్తారు. అనంతరం మంగళవాయిద్యాలు, సుప్రభాత సేవ, కాలపూజలు, హారతులు నిర్వహించిన తర్వాత 6 గంటల నుంచి భక్తులకు ధర్శనాలు, అభిషేకాలకు అనుమతిస్తారు.అలాగే జిల్లాలోని పలు దేవాలయాల తలుపులు కూడా చంద్రహ్రగణం సందర్భంగా మూసి వేయనున్నారు. ప్రధానంగా మంత్రాలయంలో రాఘవేంధ్రస్వామి, మహానందిలో నందీశ్వరుడు, అహోబిలంలో లక్ష్మీనరసింహస్వామి, ఉరుకుందలో నరసింహస్వామి ఆలయాల తలుపులు మూసివేస్తారు. మహానందిక్షేత్రంలో ఈనెల 10వ తేదీ ఉదయం 12 గంటల తర్వాత ఆలయాలను మూసివేస్తున్నట్లు వేద పండితులు తెలిపారు. త్రిపాదాధిక చంద్రగ్రహణం సందర్భంగా స్వామి అమ్మవార్లకు మహానివేదన అనంతం ఆలయాన్ని మూసివేస్తామన్నారు. మళ్ళీ 11వ తేదీ తెల్లవారు జామున సంప్రోక్షణ పూజలు నిర్వహించిన తర్వాత 7 గంటల నుంచి భక్తులకు దైవదర్శనానికి అనుమతిస్తున్నట్లు తెలిపారు

మహేష్‌బాబు ఇంటిపై ఐటి దాడి

ప్రముఖ యువ హీరో మహేష్‌బాబు ఇంటిపై ఆదాయపు పన్ను శాఖ అధికా రులు గురువారం రాత్రి ఆకస్మికంగా దాడి చేశారు. 8 మందితో కూడిన అధికారుల బృందం ఆయన ఇంట్లో అణువణువునా సోదా చేశారు. మహేష్‌బాబు నటించిన దూకుడు సినిమా విజయవంతం కావడం తో భారీ ఎత్తున కలెక్షన్లు వచ్చా యన్న ప్రచారం జరుగుతున్న నేపథ్యంలో ఐటి శాఖ అధికారులు ఈ దాడి నిర్వహించారు. అలాగే, థమ్సప్‌, నవరతన్‌ ఆయిల్‌, యూనివర్సల్‌, జోస్‌ అలుకాస్‌ తదితర భారీ సంస్థలకు ఆయన బ్రాండ్‌ అంబాసిడర్‌గా వ్యవహరిస్తున్నారు. మహే ష్‌బాబు ఆదాయం గణనీయంగా పెరిగి నందున తమ శాఖ సమర్పించిన రిటర్న్స్‌కు ఆయన ఇంట్లో ఉన్న డాక్యు మెంట్లకు పోల్చుకునేందుకు ఈ దాడులు దోహదపడతాయని ఐటి శాఖ అధికారులు భావిస్తున్నారు. నగదు, బంగారు ఆభర ణాలు, ఆస్తులకు సంబంధించిన కొన్ని డాక్యుమెంట్లను ఐటి అధికారులు తమ శోధనలో రికార్డు చేసుకున్నట్టు తెలిసింది. ఐటి దాడి జరుగుతున్న విషయం తెలుసుకొని షూటింగ్‌లో ఉన్న మహేష్‌బాబు హుటాహుటిన ఇంటికి చేరుకున్నారు.

ఎఫ్‌డిఐ నిలిపిన మధ్యంతర0

• ఎఫ్‌డిఐ మంచిదే కానీ.. మిడ్‌ పొల్స్‌ను మేం కోరుకోవడం లేదు:ప్రణబ్‌ ముఖర్జీ
  

న్యూఢిల్లి: రిటైల్‌ రంగంలో 51 శాతం విదేశీ ప్రత్యక్ష పెట్టుబడులు (ఎఫ్‌డిఐ) అనుమతించాలని కేంద్ర కేబినెట్‌ తీసుకున్న నిర్ణయం తప్పుకాదని ఆర్థిక మంత్రి ప్రణబ్‌ ముఖర్జీ వ్యాఖ్యానించారు. అయితే మధ్యంతర ఎన్నికలను నివారించడానికే యుపిఎ సర్కార్‌ వెనక్కు తగ్గిందని ఆయన పేర్కొనడం గమనార్హం. గురువారం ఉదయం జరిగిన కాంగ్రెస్‌ పార్లమెంటు సభ్యుల సమావేశంలో ప్రణబ్‌ ముఖర్జీ మాట్టాడుతూ ప్రతిపక్షాల ఒత్తిడితో ఏకాభిప్రాయం కుదిరే వరకు ఎఫ్‌డిఐపై నిర్ణయం నిలిపివేస్తున్నట్లు ప్రధాని కార్యాలయం(పిఎంఒ) ప్రకటించిందని తెలిపారు. సంబంధిత వర్గాలతో చర్చలు జరిపి ఏకాభిప్రాయం సాధించే వరకు ఎఫ్‌డిఐ నిర్ణయం నిలుపుదల చేసినట్లు ఆర్థికమంత్రి ఎంపీల సమావేశంలో స్పష్టం చేశారు. రిటైల్‌ రంగంలో ఎఫ్‌డిఐలను అనుమతించడం వల్ల వాల్‌-మార్ట్‌, టెస్కో వంటి సంస్థలు దేశంలో పెట్టుబడులు పెట్టడానికి ముందుకువస్తాయని, ఫలితంగా వినియోగదారులకు ఎంతో ప్రయోజనం కలుగుతుందని ప్రధాని మన్మోహన్‌సింగ్‌ కొత్త విధానాన్ని సమర్థిస్తూ వ్యాఖ్యానించిన విషయం విదితమే.
ప్రధాని నిర్ణయాన్ని అనేక విదేశీ కంపెనీలు స్వాగతించాయి. అయితే పశ్చిమబెంగాల్‌ ముఖ్యమంత్రి మమతా బెనర్జీ ఎఫ్‌డిఐని తీవ్రంగా వ్యతిరేకించడంతో యుపిఎ సర్కార్‌ రెండు వారాల క్రితం తీసుకున్న నిర్ణయంపై పున: పరిశీలించి వెనక్కు తగ్గాల్సి వచ్చింది. లోక్‌సభలో 18 మంది సభ్యులున్న తృణమూల్‌ కాంగ్రెస్‌ యుపిఎలో కాంగ్రెస్‌ తరువాత రెండో అతిపెద్ద పార్టీ కావడం గమనార్హం. రిటైల్‌ రంగంలో ఎఫ్‌డిఐలను అనుమతించడాన్ని అంగీకరించబోమని మమత స్పష్టం చేయడంతో కేంద్ర ప్రభుత్వం ఇరుకునపడింది. ఎఫ్‌డిఐలను ఉపసంహరించుకోకపోతే పార్లమెంటును సజావుగా నడవనీయమని బిజెపి, వామపక్షాలు స్పష్టం చేశాయి. ప్రభుత్వం ఎఫ్‌డిఐపై తన నిర్ణయాన్ని వాయిదే వేసుకోవాలని లేదా తమ విధానంపై ఓటింగ్‌కు సిద్ధం కావాలని బిజెపి, వామపక్షాలు సవాలు చేశాయి. మమత మద్దతు లేకపోతే ప్రభుత్వానికి లోక్‌సభలో బొటాబొటిగా మాత్రమే బలం ఉంటుంది. తృణమూల్‌ కాంగ్రెస్‌ మద్దతు ఉపసంహరించుకుంటే కేంద్ర ప్రభుత్వానికి జరిగే నష్టం అపారం. కాగా, ఎఫ్‌డిఐపై తమ విధానాన్ని ఉపసంహరించుకోలేదని, కేవలం ఏకాభిప్రాయ సాధనలో భాగంగా నిర్ణయం వాయిదా వేసినట్లు ప్రభుత్వం వర్గాలు పేర్కొన్నాయి. రాష్ట్ర ప్రభుత్వాలు అంగీకరించేంత వరకు ఎఫ్‌డిఐని ప్రవేశపెట్టబోమని ప్రభుత్వం స్పష్టం చేసింది. యుపితో సహా ఐదు రాష్ట్రాల్లో త్వరలో అసెంబ్లిd ఎన్నికలు జరుగనుండటం, తృణమూల్‌ వంటి మిత్రపక్షాలు కూడా వ్యతిరేకించడంతో తమ నిర్ణయాన్ని వాయిదా వేసుకోవడం మినహా ప్రభుత్వానికి మార్గాంతరం లేకపోయింది. యుపిఎ సర్కార్‌ ఎటువంటి రిస్క్‌ తీసుకోడానికి సిద్ధంగా లేకపోవడం గమనార్హం.

హాయినిచ్చే కుషన్స్‌

వీధిలోంచి ఇలా ఇంట్లోకి రాగానే హాయిగా కాసేపు రిలాక్స్‌ అవ్వాలని ఎవరికుండదు చెప్పండి... అందుకు ఎదురుగా కనిపించే సోఫానో...
దివాన్‌నో ఆశ్రయించి అందులోని కుషన్‌ని సరి చేసుకుని నడుం చేరేసే వాళ్లు కూచుకున్నంత సేపు ఏదో తెలియనిప్రశాంతత పొందుతూ...
ఈకుషన్‌లపై మక్కువ చూపుతున్నారు..
ఇంటిని అందంగా అలంకరిం చుకోవటం ఇల్లాలిగా బాధ్యతే అన్న విషయాన్ని గుర్తించే ఇంటిని చూసి... ఇల్లాలి మనస్ధ త్వం చెప్పొచ్చని చెప్పారు మన పెద్ద లు... ఇప్పుడు దాదాపు ధనిక, మధ్య తరగతి అన్న తారతమ్యాలు లేకుండా ఇంటిని అలంకరించుకునేందుకు ఎక్కు వ మంది శ్రద్ద చూపిస్తున్నారిప్పుడు.
మారుతున్న కాలానుగుణంగా... ఇంటిలో చిన్న చిన్న మొక్క లు, రకరకాల పువ్వులతో కూడిన ఫ్లవర్‌ వాజ్‌లు, పక్షుల కిలకి లలతో పంజరాలు, ఆహ్లాదకరంగా అటు ఇటు కదులుతూ... హొయలొలికించే అనేక రంగు రంగుల చేప పిల్లలతో ఉండే ఎక్వేరియంలు ఇలా అనేక హంగులు నేడు గృహా లంకరణలో నిత్యమౖైెపోయాయి.
ఈ క్రమంలో దివాన్‌ కాట్‌లు, రకరకాల సోఫాలు ఇంటికి కొత్తవన్నెలు తెచ్చే లా కొనుగోలు చేయటమూ కాకుండా వాటిని అందంగా అలంకరించేందుకు కూడా ఆసక్తి చూపిస్తున్నా రిప్పుడు గృహిణులు.
ఇంటి అలంకరణ ఓ కళ అనే చెప్పక తప్పదు, టీపాయ్‌ మొదలు, టివి స్టాండ్‌ వరకు, కర్టెన్‌ మొదలు సోఫా కవర్‌ వరకు అన్నీ ఆహ్లాదం పరిచేలా ఉండాల్సిందే.. ఇందు కు ఖర్చుకు వెనక్కి తగ్గకుండా.. తమ శక్తి కొలది కొనుగోలు చేస్తూ... ఇంటిని అలంకరించు కుంటున్నారు అంతా.
ఇంటికి వచ్చే అతిధులు ఎక్కువసేపు ఉండే డ్రాయింగ్‌ రూంలపైనా బాగా శ్రద్ద వహిస్తున్నారు. వచ్చే వారే కాదు... తాము కూడా అలసి సొలసి వచ్చి ఇంట్లో కాసేపు టివి చూసేందుకు హాయిగా ఏ దివాన్‌ పైనో, సోఫా లోనో కూర్చొనేలా వాటికి తగ్గ ట్టుగా ఎన్నో కుషన్‌లను కొనుగోలు చేసి అనేక హంగులతో వాటికి కవర్లు కుట్టి స్తూ... కొత్త అందాలతో ఆకర్షించే ప్రయ త్నం చేస్తున్నారు.ఇక ఆఫీస్‌లలోనూ సోఫాల కుషన్‌లకు ప్రత్యేక అలకరణ తప్పని సరి అయ్యింది. వచ్చిపోయేవారు కాసే పైనా రిలాక్సయ్యే లా మెత్తని కుషన్‌ని గోడరంగులకు, కర్టెన్ల రంగు లకు తగ్గట్టుగా చూడముచ్చటి రంగుల్లో కవరు తొడుగుతున్నారు. ఇప్పటికే మార్కెట్‌లో ఇబ్బడిముబ్బడిగా అనేక కుషన్‌ కవర్లు, డిజైన్లు లభ్యమవుతున్నాయి.ఆఫీసైనా,ఇంట్లో డ్రాయిం గ్‌ రూం అయినా... బాల్కనీలోనో... లాన్‌లో ప్రత్యేకంగా చేయించుకున్న ఊయల అయి నా... మెత్తని కుషన్లు ఎంతలా కోరు కుంటున్నారో... వాటికి కొత్త అందాలను సంతరించుకునే లా కవర్‌ డిజైన్లపైనా అంతే మక్కువ చూపిస్తున్నారు.

కూర్చున్న కాసేపైనా కుషన్‌లలో సేద తీరేందుకు వీలుగా ఇండి యన్‌ ఫర్నీచర్‌ కుషన్‌ కవర్‌, ప్యాచ్‌ వర్కు కుషన్‌ కవర్‌, డై కుష న్‌, పింటక్‌ కుషన్‌, చౌర్‌ కుషన్‌, ఇలా చాలా రకాలు కుషన్లు అందుబాటులో ఉండగా... కవర్లలో మనకి ఎక్కువగా ఎంబ్రయి డరీ కుషన్‌ కవర్‌, సిల్క్‌ కుషన్‌ కవర్‌, సోఫా కుషన్‌ కవర్‌, కాట న్‌ కుషన్‌ కవర్‌, , డెకోరేటివ్‌ కుషన్‌ కవర్‌, లెదర్‌ కుషన్‌ కవర్‌ లభ్యమవుతున్నాయి. దీనికి తోడు రాజస్ధాని సంప్రదాయ కళలను రంగరించినవి, తెలుగింటి విరిబోణి కళంకారీ అందాలు ప్రత్యేక అందాలిచ్చేందుకు పోటీ పడుతున్నాయనే చెప్పక తప్పదు.
ఎంబ్రయిడరీ కవర్లు...
ఒకప్పుడు సూదీ దారంలో ఇళ్లలోనే తల దిండుకు తొగిగే గలేబు లకు లతలూ, పూలు వేసి అందంగా అలంకరించే వారు. అయితే నేటి ఆధునిక యుగంలో కాలంతో పాటు పరుగులు తీయా ల్సిన అవసరం ఎక్కువగా ఉండటంతో ఎంబ్రయిడరీ పనివారలకు కాసింత పని కల్పించేందుకు ఈ కుషన్‌ కవర్లు బాగా ఉపయోగ పడుతున్నాయనే చెప్పక తప్పదు. సోఫా కవర్లు, దివాన్‌ కవర్లుకు ఎవరి అభిరుచికి తగ్గట్టు వారికి అనేక డిజైన్లను కుట్టి అందిస్తు న్నారు. ఈ పని ఒకప్పుడు కుటీర పరిశ్రమగా ఉన్నా... నేడు చాలా మేరకు అభివృధ్ది చెంది వందలాది మందికి ఉపాధి చూపించేలా పరిశ్రమగా వర్ధిల్లింది.పుట్టిన రోజులు, పెళ్లి రోజులు, శోభనం ఇలా సందర్భానుసారంగా కూడా అనేక డిజైన్లను రూపొందించి కవర్ల ను అందిస్తున్నారు డిజైనర్లు... వీటికి మార్కెట్‌లో ప్రత్యేక గిరాకీ ఉంది. ముందుగా అర్డర్లిచ్చి కుట్టించుకునే వారు కూడా అధికంగా ఉన్నారని ఎంబ్రయిడరీ యూనిట్‌ ప్రతినిధులు చెప్పారు.
పాచ్‌ వర్కు డిజైన్లు..

అనేక రకాల రంగులతో మీ డ్రాయింగ్‌ రూమ్‌ని చూడగానే ఆహ్లాద కరంగా మార్చేసే డిజైన్లు ఇవి. తెల్లని క్లాత్‌పై ఫైన్‌ ఫ్యాబ్రిక్‌తో వీటిని రూపొందిస్తారు కనుక వెలిసి పోయే ఆస్కారం తక్కువగా ఉంటుం ది.అందువల్ల వీటిపై మక్కువ ప్రదర్శిస్తున్నారు. వివిధ కాంబినేషన్ల లో దొరికే ఈ పాచ్‌వర్కు కవర్లు తమ అభిరుచికి సరిగ్గా సరిపోతు న్నాయని పలువురు వినియోగదారులు చెప్పడం విశేషం.
సి ల్క్‌ కుషన్స్‌

కాసింత ఖరీదుగా కనిపించే ఈ కవర్లు మన్నిక లోనూబాగుంటాయి. అయితే ఇవి తక్కువ ధరలో దొరుకుతు న్నా... బోలెడు డబ్బు పోసి కొన్నారన్నపోజు మాత్రం కొట్టడం వీటి ప్రత్యేకత.

ఇవి నాణ్యమైన సిల్కుని సోఫా, దివాన్‌ కవర్లు కుట్టేందుకు వాడట మ కాకుండా వాటిపై ఫ్యాబ్రిక్‌తో అందాలకు వన్నె తెచ్చే డిజైన్లు రూపొంది స్తారు. బెడ్‌రూమ్‌లలో, లివింగ్‌ రూంలలో, ఇవి వాడుకుంటే... ఎక్కువగా మాసిపోవు. ఎక్కువకాలం మన్నుతాయి కూడా..ఈ సిల్క్‌ కుషన్లపై ఫ్యాబ్రిక్‌తో పాటు గా చిన్న చిన్న ఎంబ్రయిడరీలతో కూడి న కవర్లు కూడా ఇప్పుడు వస్తు ఆకర్షిస్తున్నాయి.
పింటక్‌ కుషన్‌

ఎదుటివారికి సైతం ఈర్ష్య పుట్టించేలా రూపొందే ఈ పింటక్‌ కుషన్సు ఎక్కువగా డైమండ్‌, సైవర్‌ ఆకారాల్లో లభ్యమవు తున్నాయి. వివిధ రకాల డిజైన్లలో, అనేక రంగుల్లో చూడ ముచ్చట గొలిపి క్లాసి కల్‌ లుక్‌తో ఉంటాయి.
లెదర్‌ డై కుషన్లు

కార్యాలయాలలో హుందాతనానికి ప్రతీ కగా ప్రత్యేకంగా రూపొందించ బడ్డ కవర్లు ఇవి. డై పద్దతిలో కొెబ్బ రి, స్పాంజ్‌ ఇలామెత్తని పదార్ధాల ను తనలో ఇముడ్చుకుని కుర్చీల ఆకారానికి తగ్గట్టు ఈ కవర్లను రూపొందిం చడం జరుగుతుంది. కంప్యూటర్ల పైన గంటల కొలదీ పనిచేసినా ఆఫీసుల్లో నిర్విరా మంగా మీటింగులు తదితర హడావిడి ఉన్నా కాసింత చేరబడితే చాలు. అన్నింటినీ మర్చిపోయే రిలాక్సు ఇచ్చే లా వీటిని తయారు చేసారు.
ఫాన్సీ కుషన్లు

రాజస్ధానీ అందాలు, గుజరాతీ సాంప్రదా య అల్లికలు, కుట్లు ఈ ఫ్యాన్సీ కుషన్లలో ఎక్కువగా కనిపిస్లాయి. పెళ్లిలలోనూ, సమావేశాలలోనూ.. పార్టీలకు వేసే ప్రత్యేక సోఫాలలోఎంతో ఆకర్షణీయంగా కని పించే... ఈ తరహా ఫ్యాన్సీ కుషన్‌ కవర్లను వాడు తున్నారు.
కుషన్ల తయారీలో ప్రత్యేక శిక్షణ
కుటీర పరిశ్రమకు ధీటుగా తయార వుతు న్న కుషన్‌ పరిశ్రమని మన రాష్ట్రంలోనూ ప్రోత్సహించేందుకు అనేక స్వచ్చంధ సంస్ధలు నడుంబిగిం చాయి.ఇప్పటికే కొబ్బరి పంట ఎక్కువగా పండే ఉభయగోదా వరి, విశాఖ, విజయనగరం, జిల్లా లతో పాటు కృష్ణ, గోదావరి నదీ పరి వాహ కాలలో శ్రీకాకుళం జిల్లా ఉద్దానం ప్రాంతంలో కొబ్బరి పీచుతో కుషన్ల తయారీపై ప్రత్యేక శిక్షణ ఇస్తున్నా యి. అనేక స్వయం శక్తి సంఘాల ప్రతినిధులు కొబ్బరి పీచుతో కుషన్లు రూపొంది స్తుండ గా... మరి కొన్ని సంఘాలు వాటికి తగ్గ కవర్ల తయారీలో నిమగ్నమై ఉన్నాయి. ఎంబ్రయిడరీ, లెదర్‌ తదితరాలతో కవర్లు రూపొందించి ఉపాధి పొందుతున్నారు అనేక మంది.

సంప్రదాయ కళకి సరికొత్త అందం టెర్రకోట

మట్టినే బొమ్మగా మలచి... బ్రహ్మ ప్రాణ ప్రతిష్ట చేసి మనిషిగా మలచాడన్నది మన భారతీయ సమాజ విశ్వాసం.
ఆ మట్టినే నమ్ముకుని.. రైతుగా, కర్షకుడులా, కార్మికుడిలా... కుమ్మరిగా...జన బాహుళ్యానికి సర్వం అందిస్తు
అపర బ్రహ్మగా పేరు సంపాదించేసుకున్నాడు ఏనాడో...తొలకరితో పులక రించిన నేల మట్టిని రైతు హత్తుకుని మురిసి.. కొత్త పంటలకు సిద్దమైతే.... ఆ మట్టినే మురిపెంగా లాలించి తన చేతుల కదలికలతో రూపాలనిచ్చి..
మట్టి బొమ్మలతో యావత్‌ మానవాళినీ సవ్మెూహితుల్ని చేసి... పరవశించిపోతాడు కుమ్మరి.
ఆతను సృష్టించిన రూపాలు మరుగున పడుతున్న క్రమంలో సంప్రదాయ కళకు కొత్త వన్నెలద్ది..
ఆధునికతను రంగరించి పుట్టిన మరో అద్భుత కళ ఃటెర్రకోటః అందాలనటంలో సందేహం లేదెవ్వరికీ...
ప్లాస్ట్టిక ప్రపంచాన్ని శాసించే స్ధాయికి చేరుకున్న ఈ క్రమంలో తనని తాను బతికించుకునే క్రమంలో సాంప్రదాయ కళలు ఆధునికతని మేళవించు కుని కొత్తఅందాలను సంతరించుకునేందుకు సిద్దమయ్యా యన్నది వాస్తవం. లోహపాత్రల స్ధానంలోమట్టి పాత్ర లు వాడే అవకాశాలున్నా మక్కువ చూపని జనంని తమ వైపు తిపðకుని సంస్కృతిని ప్రతిబింబ చేస్తూ... ఏదో తెలియని కొత్తదనం అను భూతిని కలిపించేలా చేస్తూ... తమని నెట్టేస్తున్న ఫ్యాషన్‌ ప్రపంచాన్ని ధీటు గా ఎదుర్కొని,తాతముత్తాతల నుండి వచ్చిన సాంప్ర దాయంగా వస్తున్న కళను కాపాడుకునేందుకు యువతరం చేసిన కృషి ఫలితమే ఈ 'టెర్రకోట' అం దాలు. రాజస్ధాన్‌లో టెర్రకోట పేరుతో ఏకంగా ఓ ఊరే ఉందని...ఆ ఊరిలోనే ఈ బొమ్మల తయా రీ ఎక్కువగా జరుగుతోందని.. దాని వల్ల ఆ ఊరి పేరుతోనే ఈ బొమ్మల్ని పిలుస్తారని కొందరు చెప్తుంటారు. అయి తే అది వాస్తవం కాదు. టెర్రకోట అనే పదం లాటిన్‌ భాష నుండి పుట్టిందని కొందరు. ఇటాలియన్‌ నుండి పుట్టిందన్న వాదనలు ఉన్నా. ఎంద రికో ఉపాధిమాత్రం కలిపిస్తోందన్నది మాత్రం నిజం. టెర్రకోట అంటే కాల్చిన మట్టి అని అర్ధం. ముదురు మట్టి రంగు లో ఎరుపు, పసుపు వర్ణాలు జోడి స్తే..వచ్చే రంగులో ఉంటాయి. అయి తే ఆయా ప్రాంతాలలో మట్టి ప్రభా వం బట్టి కూడా కొత్త రంగులు సంతరించుకునే అవకాశాలు న్నాయి. ఒకపðడు మనం ఎర్ర పెంకులంటూ తెగసందడిచేసే వాళ్లం కదా దాదాపు అదే తరహాలో రూపొందే ఈ టెర్ర కోట మట్టిబొమ్మలు కుమ్మరి తిప్పె సారె చక్రంపై కాక పూర్తిగా చేతిపైనే ఆధారపడి చేస్తారు.
ప్రపంచానికి నాగరికత నేర్పిన మన భారతావనిలో ఈ టెర్రకోట మట్టి పాత్రలో సింధూ నాగరికతలో నే కనిపించాయంటే ఆశ్చర్యం కలగక మానదు. ఇప్పట ికే పురావస్తుశాఖ జరిపిన అనేక తవ్వకాలలో ఈ తరహా పాత్రలు బైట పడటం చెపðకోదగ్గ విషయం. ముఖ్యంగా మన దేశ ఉత్తర ప్రాంతంలో ఎక్కువగా టెర్రకోట వస్తువుల తయారీ నిపుణులు ఉన్నారు. ఉత్తరప్రదేశ్‌, గుజరాత్‌, పశ్చిమబెంగాల్‌, మధ్య ప్రదే శ్‌, రాజస్ధాన్‌లతో కుటీరపరిశ్రమైన కుమ్మరి వృత్తికి బాసటగా నిలచిన ఈ టెర్రకోట నేడు తమిళనాడు, ఆంధ్రప్రదేశ్‌తో సహా మిగిలిన ప్రాంతాలకూ విస్తరిం చింది. .
ఈ టెర్రకోట బొమ్మల్నే జీవనాధారం చేసుకుని రాజ స్ధాన్‌, ఉత్తర ప్రదేశ్‌లకి చెందిన ఎందరో కళాకారులు మన రాష్ట్రంలో అనేక ప్రాంతాలలో ప్రధా న రహదా రుల వెంబడి అనేక ప్రాంతాలలో సంచారజీవులుగా తమ జీవనాన్ని కొనసాగిస్తున్నారు. చిన్న చిన్న గుడా రాలను నిర్మించుకుని, అందులోనే నివశిస్తూ... ఈ బొమ్మల తయారీలో ఇంటిల్ల పాదీ పని చేస్తున్నారు. ఎక్కడో పుట్టి పెరిగిన తమను ఇక్కడి ప్రాంత ప్రజలు తమ వారిగా ఆదరిస్తున్నా... వ్యాపారార్ధం వివిధ ప్రాంతా లకు పయనం కావటం వల్ల తమ పిల్లలు సరైన చదువులేక నిరక్ష్యరాసులుగా మిగిలిపోవాల్సి వస్తోందన్న ఆవేదన వారిలో కనిపిస్తోంది. ఇంటిల్లపాదిలో పిల్లలు, పెద్దలు కల్సి తయారు చేసిన బొమ్మ లకు నగిషీలు చెక్కగా మహి ళలు చిన్న చిన్న తోపుడు బళ్లలో పెటు ్టకుని విక్రయాలు కొన సాగిస్తుండటం సర్వత్రా కనిపిస్తుంది. తమ చిన్నారులకు చదువు అందివ్వలేక పోతున్నా మన్న వేదన మినహా వారిలో సంస్కారం, క్రమశిక్షణ కొట్టొచ్చినట్లు కనిపిస్తాయి.సమయ పాలనకి పూర్తిగా విలువనిస్తూ ఏమాత్రం సమయాన్ని వృధా చేయని రీతిలో నిత్యం ఈ టెర్రకోట బొమ్మల లో కొత్తదనాన్ని తీసుకురావటానికి ఎనలేని తపన పడే ఈ కళాకారులు తమ పూర్వీకులు చూపిన బాట లోనే నడుస్తూ... నేటి తరానికి తగ్గట్టు తమ వృత్తిని మార్చుకోవటం వల్ల ఉపాధికి ఢోకాలేకుండా పోయిందని చెప్పారు.
టెర్రకోట సైన్యం...
ఇపðడు మన కొత్త తరహా అందాలంటూ ఆనం దిస్తున్న ఈ టెర్రకోట ప్రక్రియని క్రీస్తు పూర్వమే చైనా లోని మన పూర్వీకులు ప్రారంభించారంటే ఆశ్చర్యం కలగక మానదు. మీరు చదివిందినిజమే... చైనాలో పురావస్తు శాఖ జరిపిన తవ్వకా లలో ఈ టెర్రకోట సైన్యం బైట పడింది. క్రీööపూööచైనానుపాలించినకిన్‌షి యుమాం గ్‌ తన మరణా నంతరం కూడా జీవితం ఉంటుందని.తను చనిపోవటానికి ముందే ఏడు లక్షల మంది నిపుణులతో దాదాపు 38 ఏళ్ల పాటు శ్రమించి సమాధిని నిర్మింప చేసుకు న్నాడు. టెర్ర కోట ప్రక్రియలో రూపొందించిన గజతురగపదాతి దళాలు తమ ఆయుధాలతో సహా వెంట రాగా తన మరణం తరువాత కూడా ఆ పరి వారంతో జీవిస్తానన్న విశ్వా సంతో ఆయన ఈసమాధిని రూపొం దిం చుకున్నట్లు చరిత్ర చెపు తోంది.
ఈ క్రమంలోనే రిఓ ట్‌ సెన్సింగ్‌ టెక్నాలజీ ఉపయోగించి ఈ సమాధిపై 90 అడుగు భవంతి నిర్మించారు. దీనిలో రాజుగారి ఆత్మ నిత్యం తిరుగుతూ ప్రజల బాగోగులు చూస్తుందని వారి విశ్వాసం. ఈ తవ్వ కాలలో బైట పడ్డ రక్షక దళాలలో 8 వేలకు పైగా సైనికుల బొమ్మ లున్నాయి. వీటిలో ఏ ఇద్దరు సైనికులు ఒకే రూపం లో లేరంటే... నాటి సైనిక వ్యవస్ధ ఎలా ఉండేదో అర్ధం చేసుకోవచ్చని నిపుణులు చెప్త్తారు. ఇటీవల జరిగిన తవ్వకాలలో బైట పడ్డ ఈ సమాధి ఎన్నో కొత్త విషయాలను, నాటి రాజరిక వ్యవస్ధపై ఎన్నో సమాధానాలను చెపుతోంది.
టెర్రకోట బొమ్మలు చేసేదిలా...
చెరువు నుండి, కుంట నుండి సేకరించిన మెత్తని బంకమట్టిని మరింత మెత్త బరిచి... దానికి తగు పాళ్లలో సన్నని ఇసుకని కలిపి కాళ్లతో బాగా తొక్కి బొమ్మలు తయారీకి అనువుగా తయారు చేసుకొంటారు. పూర్వం కుమ్మర్లు వాడే సారెలాంటి చక్ర్రాలు పై ఈ మట్టిని ఉంచి అది తరుగుతుండగా.. కావాల్సిన రీతులలో బొమ్మలని రూపొందించుకుని వారం రోజుల పాటు ఎండలో ఆరబెడతారు. ఆపై వాటిని కుమ్మరి బట్టీలలో కాల్చేందుకు తీసుకువెళ్తారు.ఇలా కాల్చేం దుకు సాధా ణంగా ఉప యోగించేకల ప,ఊకస్ధానంలో కొబ్బరిమట్టలు, ఎండు కలప,యూకలెప్టిస్‌ ఆకు లు తదితరాలు వాడతారు. బొమ్మ గట్టిదనం, కావాల్సిన రంగుల ఆధారంగా ఈ కాల్పు ఉంటుంది. మట్టి లోని ఐరన్‌ ఆక్సైడ్‌శాతం అనుసరించి ఆరెంజ్‌, ఎరు పు, గోధుమ వర్ణాలలో ఈ బొమ్మలు తయారవు తాయి. మరీ నలుపు దనంగా బొమ్మలు కావాలను కుంటే బొమ్మల్ని మరో రోజు అదనంగా ఈ బట్టీల లో ఉంచుతారు. అయితే కొన్ని ప్రాంతాలలో లభ్యమ య్యే మట్టి కారణంగా పసుపు, గులాబీ, బూడిద వర్ణాలుగా కూడా బొమ్మలు తయారై కొత్త అందా లను సంతరించుకుంటాయి. ఇలా బట్టీల నుండి తీసుకువచ్చిన బొమ్మల ఆకారాలకు కాసిన్ని రంగు లు, ఇతర నగిషీలు చేసి అమ్మకానికి సిద్దం చేస్తారు.
నేడు చిన్న చిన్న గ్రామాలలోని ఇళ్లలో సైతం టెర్రకోట బొమ్మలు దర్శన మిస్తున్నాయంటే... జనం వీటిపై ఎంతలా మక్కువ ప్రదర్శిస్తున్నా రో అర్ధం చేసుకోవచ్చు. తొలి నాళ్లలో కేవలం పూల మొక్కల పెంపకానికి వాడే కుండీలను మాత్రమే టెర్రకోటలో తయారు కాగా నేడు అనేక రూపాలు సంతరించుకుని కనువిందు చేస్తున్నాయి.
టెర్రకోట మట్టితో తయారైన బొమ్మల్లో పులులు, సింహా లు, ఏనుగులు, గుర్రా లు, కోతులు, లాంటి బొమ్మలనే కాదు అనేక దేవతామూర్తులను, గృహా లంకరణ వస్తువులతో అలరిస్తున్నాయి. చిన్న పట్టణాలలో జరిగే హస్త కళా ప్రదర్శనలలో నేడు టెర్ర కోట అందాలు ఆకర్షిస్తూ.. అధిక శాతం అమ్ముడు పోతున్నాయి.
టెర్రకోటకు కేరఫ్‌లు...
టెర్రకోట అందాలకి ముందుగా గుర్తొచ్చేది రాజ స్ధాన్‌లోని మొయోలానే..ఇక్కడి వారి ద్వారానే ప్రపం చానికి ఈ కళ పరిచయమైందని చెప్తారు. మట్టి పాత్రలకు నగిషీలు చెక్కి,రంగులు వేసి ఆకర్షణీ యం గా తయారు చేయటంలో వీరు సిద్దహస్తులు. ఇక టెర్రకోట అశ్వాలంటే ఉత్తర ప్రదేశ్‌లోని గోరఖ్‌ పూర్‌దే పేరు. అలాగే ఆరు మీటర్ల ఎత్తున్న టెర్రకోట గుర్రాలను రూపొందించడంలో తంజావూరు కళాకా రులు పెట్టింది పేరంటే ఆశ్చర్యం కలగక మానదు.
బొమ్మలకే పరిమితం కాదు..
ఏనుగులు, గుర్రాలు, మట్టి పాత్రలకే టెర్రకోట అందాలు పరిమితం కాలేదు. నేటి ఆధునిక యువ తని దృష్టిలో ఉంచుకుని కొత్త పుంతలు తొక్కుతోంది. మట్టితో రూపొందించిన అనేక రకల నగలు నేడు యువతరాన్ని ఆకర్షిస్తూ.. ధరించేందుకు మక్కువ ప్రదర్శించేలా ఉన్నాయి. జ్యూలరీని తయారు చేసేం దుకు టెర్రకోట కళాకారులు ప్రత్యేక శ్రధ్ద కనిపి స్తున్నారు. మట్టిలో గొలుసులు, లోలాకులు తయారు చేయటమే కాకుండా వాటికి బంగారపు పూతలా
కనిపించే రంగుల్ని అద్దుతూ తక్కువ రకం రత్నాలని పొదుగుతూ.. కొత్త తరహా ఆభరణాలకు శ్రీకారం చుట్టారు. సాంప్రదాయ పద్దతులకు అనుగుణంగా రూపొందుతున్న ఈ నగలు పార్టీ జ్యూలరీలంటూ ప్రత్యేక సందర్భాలలో వీటిని ధóరించేందుకు ఎక్కువ గా ఇష్టపడుతున్నారు జనం.
కుటీర పరిశ్రమని దాటి...
కుటీర పరిశ్రమని దాటి పారిశ్రామిక స్ధాయిలో అభివృధ్ధి చెందుతున్న టెర్రకోటపై ప్రభుత్వా లు కూడా దృష్టి పెట్టాయి. ఇందుకు అను గుణంగా అనేక చోట్ల మట్టిని కలి పేందుకు..చేసిన బొమ్మలు కాల్చేం దుకు అనేకయూనిట్లు వెలిసాయి. కోల్‌ కత్తాలోని గంగా నది తీరం లో టెర్రకోటబొమ్మల కోసం ఏకం గా పెద్ద యూనిట్‌ ఏర్పాటైంది. ఇది మన దేశంలోనే అతి పెద్దది కావటం విశేషం.
లాభాలూ బొలెడు...
టెర్రకోట వస్తువులు సాధారణ మట్టి పాత్రల కన్నా భిన్నంగా ఉంటాయి. పర్యావరణకు ఎలాంటి విఘాతం కలిగించని ఈ వస్తువులు పింగాణీ పాత్రల్లా కనిపించడమే కాకుండా గీతలు పడే ఆస్కారం తక్కువ, తేలికగా శుభ్రపరుచుకునే అవకాశా లున్నాయి. పూలకుండీలనుంచి టీకపðల వరకు సాంప్రదాయ రీతులు ఉట్టి పడేలా రూపొందు తున్న ఈ టెర్రకోట పాత్రలు మైక్రో ఒవెన్‌లలోనూ వాడుకు నేందుకు ఇబ్బంది లేక పోవటం, పగిలి పోవటం తదితరాలు తక్కువగా ఉండటం వల్ల అనేక మంది వీటిని నిత్య జీవితంలో వినియోగించేందుకు మక్కువ చూపుతున్నారు.
అందాలొలికిస్తూ...
మన ప్రాచీన నాగరికతలైన గ్రీకు నాగరి కతలో విస్తరించిన ఈ టెర్రకోట ఆధునిక ఐరాపా దేశాలలోనూ కనిపిస్తుంది. ఇక మన కోల్‌కత్తా సమీపంలో ఉన్న విష్ణుపురి ఆలయం పైభాగంలో నెల వైన టెర్రకోట టైల్స్‌ సందర్శకులను కట్టి పడస్తుంటాయి. వందల సంవత్సరా లు గడుస్తున్నా.. ఇవి ఏ మాత్రం చెక్కు చెదరలేదంటే వాటి నాణ్యత ఏపాటిదో అర్ధం చేసుకో వచ్చు. అలాగే లండన్‌లోని బర్నింగ్‌ హౌం భవంతిలోనూ టెర్రకోట టైల్స్‌ కనిపిస్తాయి మనకి.ఏది ఏమైనా మన ప్రాచీన కళా సంపద నేడు దిన దిన ప్రవర్ధమా నంగా వెలుగొందుతుండటంతో మనం కూడా అండదండగా నిలవా ల్సిన అవసరం ఎంతైనా ఉంది.