బుల్లితెరపైకి దూసుకొస్తున్న వెంకటేష్

సినిమాల కన్నా సీరియల్స్‌కు లభిస్తున్న ఆదరణ రోజు రోజుకు పెరిగి పోతుండటంతో ఇప్పుడు బుల్లితెరపై కనిపించడానికి పెద్ద పెద్ద తారలు కూడా సిద్దమైపోతున్నారు. ఇప్పటికే అక్కినేని నాగేశ్వరరావు, కృష్ణ లాంటి అగ్ర కధానాయకులు హీరోయిన్లు , సీనియర్‌ నటులు బుల్లితెరపై కూడా నటించిన విషయం తెలిసిందే. తాజాగా వీరి బాటలో మరో అగ్రహీరో .. విక్టరీ వెంకటేష్ కూడా పయనించనున్నాడు. ఎప్పటి నుంచో స్వామి వివేకానంద పాత్ర పోషించాలనుకుంటున్న వెంకటేష్‌ . వివేకానందుని జీవితచరిత్రను సినిమా రూపొందించడానికి కూడా ప్రయత్నించాడు. అయితే, రెండున్నర గంటల్లో ఆ కథ చెప్పడం సాధ్యమయ్యే పని కాదని సినిమా నిర్మాణాన్ని విరమించుకుని, టీవీ సీరియల్ గా తీయాలని అనుకుంటున్నాడట. త్వరలోనే ఈ సీరియల్‌ సెట్స్‌పైకి వెళుతుందని తెలుస్తోంది!