ఆయన రాజీనామా ఎవరికిచ్చారు?

తెలంగాణ పాదయాత్ర చేపట్టిన మంత్రి జూపల్లి కృష్ణారావును తన నియోజకవర్గం గద్వాలలో అడుగు పెట్టనిచ్చేది లేదని మరో మంత్రి డికె అరుణ స్పష్టం చేశారు. నా అనుమతి లేకుండా రావడానికి వీలు లేదు, వస్తే అడ్డుకుంటాం అన్నారు. ఈ విషయాన్ని సీఎం కిరణ్‌కుమార్ రెడ్డి దృష్టికి సైతం తీసుకెళ్లానని మంత్రి వివరించారు. ఎవరితోనూ కలవకుండా, ఎవరినీ సంప్రదించకుండా, వ్యక్తిగత ఎజెండాతో యాత్ర చేపట్టి, జిల్లాలో గ్రూపులు ప్రోత్సహిస్తున్నారంటూ.... మంత్రిగానే ఆయన పర్యటిస్తున్నారని విమర్శించారు. ఆయన రాజీనామా ఎవరికిచ్చారు? ఎవరు ఆమోదించారని ఆమె ప్రశ్నించారు.