తెలంగాణ ఆత్మగౌరవం కోసం ప్రజాప్రతినిధులు పదవులకు రాజీనామా చేయాలని తెలంగాణ జిల్లాల ఎస్సీ, ఎస్టీ సంక్షేమ సంఘం రాష్ట్ర అధ్యక్షుడు తడగొండ సత్యరాజ్ వర్మ డిమాండ్ చేశారు. తెలంగాణలోని ప్రజాప్రతినిధులు పదవులను పట్టుకుని వేలాడుతూ రాజీనామాలు చేయకపోవడంతోనే కేంద్రం స్పందించడంలేదన్నారు.
ఇప్పటికైనా తెలంగాణలోని ఎంపీ,ఎమ్మెల్యేలు పదవులకు రాజీనామా చేసి ఉద్యమంలో భాగస్వాములు కావాలని కోరారు.లేని పక్షంలో ఆందోళన చేపడతామని హెచ్చరించారు.
