డీజీల్, వంటగ్యాస్ ధరల పెంపు?

డీజీల్, వంటగ్యాస్ ధరలు మరోసారి పెరిగే అవకాశముంది. శుక్రవారం జరిగే కేంద్ర మంత్రుల కమిటీ సమావేశంలో డీజీల్, వంటగ్యాస్ ధరల పెంపుపై నిర్ణయం తీసుకోనున్నారు. డీజిల్ లీటర్‌కు 2 నుంచి 3 రూపాయలు, వంటగ్యాస్ 25 రూపాయలు పెరిగే అవకాశమున్నట్టు తెలుస్తోంది. క్రూడ్ ఆయిల్‌పై దిగుమతి సుంకాన్ని 5 శాతం పెంచి, డీజిల్‌పై 7.5 శాతం నుంచి 2.5 శాతానికి తగ్గించే అవకాశముంది. డీజీల్‌పై లీటర్ ఒక్కంటికి 15.44 రూపాయలు ఆయిల్ కంపెనీలు నష్టాన్ని భరిస్తున్నాయి. అంతర్జాతీయ మార్కెట్‌లో క్రూడ్ ధరలు పెరుగుతుండటంతో ఆయిల్ కంపెనీల నష్టాల్ని వినియోగదారులపై వేసేందుకు పెట్రోలియం శాఖ ప్రయత్నాలు ప్రారంభించింది.