డబ్బింగ్‌ సినిమా విషయానికి వస్తే హాలీవుడ్‌, బాలీవుడ్‌ ,తమిళ్‌, మలయాళ, కన్నడ భాషలకు చెందిన చిత్రాలు అనువాద చిత్రాలుగా వచ్చాయి. వీటిలో కాంచన, సెవెన్త్‌సెన్స్‌, ట్రాన్స్‌పోర్టర్‌, 2011 అంతరిక్ష ఆక్రమణ, అవతార్‌ 2011, నాన్ని, నాపేరు శివ, ప్రేమఖైది, గ్యాంబ్లర్‌, కాంచన, జీ వన్‌, డాన్‌ 2, ద డర్టీ పిక్చర్‌, జర్నీ చిత్రాలు విజయం సాధించాయి. అనువాద చిత్రం 'రంగం' వందరోజుల చిత్రంగా ఆదరణ పొందింది. షారుక్‌ఖాన్‌, అజీత్‌, కార్తీ, ఆది, విద్యాబాలన్‌ వంటి ఇతర భాషలకు చెందిన తారలు తెలుగులో సక్సెస్‌ అయ్యారు. తెలుగు సినిమాకు డబ్బింగ్‌ సినిమా పోటీగా మారిందనేది వాస్తవమే. అయితే డబ్బింగ్‌ సినిమాకు ప్రేక్షకాదరణ లభించడానికి ఆయా చిత్రాల్లో కనిపించే నూతన నేపథ్యమే కారణం అని భావించవచ్చు. ఈ ఏడాది 110 అనువాద చిత్రాలు తెలుగులో విడుదలయ్యాయి.
